Tum Meri Aag Ho
Jis ko pal pal mein rakhta hoon roshan
Mohabbat ki mashal se
Aur apni saanson ke endhan se
Aur uss ke sholon se kaliyan banata hoon
Surkh aur sabz aur jadu bhari
Jin ki chingariyon se juri hain meri dharkanen jan-e-jaan
Tum meri aag ho
Tum meri jheel ho
Jis ke neelay kinaron ki had se paray
Roz ur kar pahonchta hoon
Gum sum parindon ki manind
Aur ghanton paon daboye tumhare haray paniyon mein
Mein shadaab rehta hoon
Sairaab rehta hoon jan-e-jahan
Tum meri jheel ho
Tum meri khaak ho
Jis se gondha gaya
Mere taan man ko
Aur phir banaye gaye mere sab khaal-o-khad
Mera hona tumahari ataa hai
Agar tum nah hoti
To be shakal hota mein be naam hota
Meri jan-e-jaan
Tum meri khaak ho
Tum mahakti lakhti ho meri
Jis ke ungli pakar kar mein be naam jungle mein phirta hoon
Aur loutta hi nahi
Jis ki khushbu se parhen meri saans ke sab diye
Mera har saans tuhfa tumhare liye
Kufar ki tohmaton ko zara bhool kar
Kyun nah kehh doon keh haan tum khuda ho meri
Tum mahakti lakhti hawa ho meri
نظم
تم مری آگ ہو
جس کو پل پل میں رکھتا ہوں روشن
محبت کی مشعل سے
اور اپنی سانسوں کے ایندھن سے
اور اُس کے شعلوں سے کلیاں بناتا ہوں
سرخ اور سبز اور جادو بھری
جن کی چنگاریوں سے جڑی ہیں مری دھڑکنیں جانِ جاں
تم مری آگ ہو
تم مری جھیل ہو
جس کے نیلے کناروں کی حد سے پرے
روز اُڑ کر پہنچتا ہوں
گم سم پرندوں کی مانند
اور گھنٹوں پاؤں ڈبوئے تمہارے ہرے پانیوں میں
میں شاداب رہتا ہوں
سیراب رہتا ہوں جانِ جہاں
تم میری جھیل ہو
تم مری خاک ہو
جس سے گوندھا گیا
میرے تن من کو
اور پھر بنائے گئے میرے سب خال و خد
میرا ہونا تمہاری عطا ہے
اگر تم نہ ہوتی
تو بے شکل ہوتا میں بے نام ہوتا
مری جانِ جاں
تم مری خاک ہو
تم مہکتی لہکتی ہو مری
جس کے انگلی پکڑ کر میں بے نام جنگل میں پھرتا ہوں
اور لوٹتا ہی نہیں
جس کی خوشبو سے پڑھیں مری سانس کے سب دیے
میرا ہر سانس تحفہ تمہارے لیے
کفر کی تہمتوں کو ذرا بھول کر
کیوں نہ کہہ دوں کہ ہاں تم خدا ہو مری
تم مہکتی لہکتی ہوا ہو مری
