Khuda Ne Apni Khamoshi Se Hamein Batna Chaha Hai
Keh dekhna aur dekhte rehna behtar hai
Hum jab kisi ki khariyat dariyaft karte hain
To asal mein usay hawdas ki khabar de rahe hotay hain
Salam bejhne waly jante hain keh salamti hai nahi
Ungli mein anghothi pehnne ka matlab pathar se mohabbat hai
Yani jis se mohabbat ho usay poja nahi jata
Hum khuda ke pujari hain
Khuda se mohabbat ka daawa aik bhool hai
Khuda hamara pujari nahi hai
So usay hum se mohabbat ho sakti hai
Sunnte thay mohabbat chup kara deti hai
Khuda ne apni khamoshi se hamein batna chaha hai
Keh dekhna aur dekhte rehna mohabbat hai
Hum khuda se mohabbat kaise kar sakte hain
Keh wo dekhai nahi deta lekin hum dekhai detay hain
Hum se mohabbat ki ja sakti hai
نظم
خدا نے اپنی خاموشی سے ہمیں بتانا چاہا ہے
کہ دیکھنا اور دیکھتے رہنا بہتر ہے
ہم جب کسی کی خیریت دریافت کرتے ہیں
تو اصل میں اسے حوادث کی خبر دے رہے ہوتے ہیں
سلام بھیجنے والے جانتے ہیں کہ سلامتی ہے نہیں
انگلی میں انگوٹھی پہننے کا مطلب پتھر سے محبت ہے
یعنی جس سے محبت ہو اسے پوجا نہیں جاتا
ہم خدا کے پجاری ہیں
خدا سے محبت کا دعویٰ ایک بھول ہے
خدا ہمارا پجاری نہیں ہے
سو اسے ہم سے محبت ہو سکتی ہے
سنتے تھے محبت چپ کرا دیتی ہے
خدا نے اپنی خاموشی سے ہمیں بتانا چاہا ہے
کہ دیکھنا اور دیکھتے رہنا محبت ہے
ہم خدا سے محبت کیسے کر سکتے ہیں کہ وہ دکھائی نہیں دیتا
لیکن ہم دکھائی دیتے ہیں
ہم سے محبت کی جا سکتی ہے
