Nazam:Muhabbat

Uroos-e-Shab Ki Zulfain Theen Abhi Na-Ashna Kham Se

Sitare Asaman Ke Be-Khabar The Lazzat-e-Ram Se

Qamar Apne Libas-e-Nawa Mein Begana Sa Lagta Tha

Na Tha Waqif Abhi Gardish Ke Aaeen-e-Muslim Se

Abhi Imkan Ke Zulmat Khane Se Ubhri Hi Thi Dunya

Mazaq-e-Zindagi Poshida Tha Pehnaye Alam Se

Kamal-e-Nazam-e-Hasti Ki Abhi Thi Ibtada Goya

Haweda Thi Nagine Ki Tamanna Chashme-e-Khatam Se

Suna Hai Alam-e-Bala Mein Koi Keemiya-Gar Tha

Safa Thi Jis Ki Khak-e-Pa Mein Barh Kar Saghir-e-Jam Se

Likha Tha Arsh Ke Paye Pe Ek Ikseer Ka Nuskha

Chupate The Farishte Jis Ko Chashm-e-Rooh-e-Adam Se

Nigahain Taak Mein Rehti Then Lekin Keemiya-Gar Ki

Woh Iss Nuskhe Ko Barh Kar Janta Tha Ism-e-Azam Se

Barha Tasbeeh Khawani Ke Bahane Arsh Ki Janib

Tamanna-e-Dili Akhir Bar Ayi Saee-e-Peham Se

Phiraya Fikr-e-Ajza Ne Use Maidan-e-Imkan Mein

Chupe Gi Kya Koi Shay Bargah-e-Haq Ke Mehram Se

Chamak Tare Se Mangi, Chand Se Dagh-e-Jigar Manga

Urhayi Teergi Thori Si Shab Ki Zulf-e-Barham Se

Tarap Bijli Se Payi,Hoor Se Pakeezgi Payi

Hararat Li Nafashaye Maseeh-e-Ibn-e-Mariam (A.S.) Se

Zara Si Phir Rabubiat Se Shan-e-Be-Niazi Li

Malak Se Ajazi, Uftadgi Taqdeer-e-Shabnam Se

Phir In Ajza Ko Ghola Chasma-e-Hewan Ke Pani Men

Marakkab Ne mohabbat Naam Paya Arsh-e-Azam Se

Muhwish Ne Ye Pani Hasti-e-Naukhaiz Par Chirka

Girah Kholi Hunar Ne Uss Ke Goya Kaar-e-Alam Se

Huwi Junbish Ayan, Zarron Ne Lutf-e-Khawab Ko Chora

Gile Milne Lage Uth Uth Ke Apne Apne Humdam Se

Kharaam-e-Naaz Paya Aftabon Ne, Sitaron Ne

Chatak Ghunchon Ne Payi, Dagh Paye Lala-Zaron Ne