شاعر:انور شعور

غزل

مری حیات ہے بس رات کے اندھیرے تک

مجھے ہوا سے بچائے رکھو سویرے تک

دکان دل میں نوادر سجے ہوئے ہیں مگر

یہ وہ جگہ ہے کہ آتے نہیں لٹیرے تک

مجھے قبول ہیں یہ گردشیں تہ دل سے

رہیں جو صرف ترے بازوؤں کے گھیرے تک

سڑک پہ سوئے ہوئے آدمی کو سونے دو

وہ خواب میں تو پہنچ جائے گا بسیرے تک

چمک دمک میں دکھائی نہیں دیے آنسو

اگرچہ میں نے یہ نگ راہ میں بکھیرے تک

کہاں ہیں اب وہ مسافر نواز بہتیرے

اٹھا کے لے گئے خانہ بدوش ڈیرے تک

تھکا ہوا ہوں مگر اس قدر نہیں کہ شعورؔ

لگا سکوں نہ اب اس کی گلی کے پھیرے تک

Ghazal
Meri Hayat Hai Bas Raat Ke Andhere Tak

Mujhe hawa se bachae rakho sawere tak

Dukan-e-dil mein nawadir saje hue hain magar

Ye wo jagah hai ki aate nahin lutere tak

Mujhe qubul hain ye gardishen tah-e-dil se

Rahen jo sirf tere bazuon ke ghere tak

Sadak pe soe hue aadmi ko sone do

Wo khwab mein to pahunch jaega basere tak

Chamak-damak mein dikhai nahin diye aansu

Agarche main ne ye nag rah mein bikhere tak

Kahan hain ab wo musafir-nawaz bahutere

Utha ke le gae khana-ba-dosh dere tak

Yhaka hua hun magar is qadar nahin ki ‘shuur’

Laga sakun na ab us ki gali ke phere tak