شاعر:منیر نیازی
میں اور میرا خدا
لاکھوں شکلوں کے میلے میں تنہا رہنا میرا کام
بھیس بدل کر دیکھتے رہنا تیز ہواؤں کا کہرام
ایک طرف آواز کا سورج ایک طرف اک گونگی شام
ایک طرف جسموں کی خوشبو ایک طرف اس کا انجام
بن گیا قاتل میرے لیے تو اپنی ہی نظروں کا دام
سب سے بڑا ہے نام خدا کا اس کے بعد ہے میرا نام
Main Aur Mera Khuda
Lakhon shaklon ke mele mein tanha rahna mera kaam
bhes badal kar dekhte rahna tez hawaon ka kohram