Koi Mazdah Na Bashaarat Na Dua Chahti Hai

Koi Mazdah Na Bashaarat Na Dua Chahti Hai
Roz ek taza khabar khalq-e-khuda chahti hai

Mauj-e-khun sar se guzarni thi so wo bhi guzri
Aur kia koocha-e-qatil ki hawa chahti hai

Shehr-e-be-mehr mein lab basta ghulamon ki qatar
naye aain-e-asiri ki bina chahti hai

Koi bole ke na bole qadam uthen na uthen
Wo jo ek dil mein hai diwaar utha chahti hai

Hum bhi labbaik kahen aur fasana ban jayen
Koi aawaz sar-e-koh-e-nida chahti hai

Yahi lou thi keh ulajhti rahi har raat ke sath
Ab ke khud apni hawaon mein bujha chahti hai

Ahd-e-asoodgi-e- jaan mein bhi tha jaan se aziz
Wo qalam bhi mere dushman ki ana chahti hai

Bahr-e- pamali-e-gul aai hai aur mauj-e-khizan
Guftagu mein rawish-e-baad-e-saba chahti hai

Khak ko hum sar-e-mahtab kia raat ki raat
Khalq ab bhi wahi naqsh-e-kaf pa chahti hai

Koi mazdah na bashaarat na dua chahti hai
Roz ek taza khabar khalq-e-khuda chahti hai