Kat Chuki Thi Yeh Nazar Sab Se Bohat Din Pehle
Mein ne dekha tha tujhe ab se bohat pehle

Aaj tak gosh bar aawaz hoon sannatay mein
Harf utra tha tere lab se bohat din pehle

Mein ne masti mein yeh pochha tha keh hasti kia hai
Raftagan-e-maye-o-mashroob se bohat din pehle

Maslak ishq faqeeron ne kiya tha ijad
Ayea muballigh tere mazhab se bohat din pehle

Phir kisi may kada husan mein waisi nah mili
Jaise pi thi kisi khush lab se bohat din pehle

Aik shakhs aur mila tha mujhe tere jaisa
Tou nah tha zahen mein jab, jab se bohat din pehle

Hazrat-e-sheikh ka ik rand se rishta kaisa
Haan miley thay kisi maltab se bohat din pehle

Kia teri sadgi tabaa nai shay hai shaoor
Log chalte thay esi dhab se bohat din pehle
 
Kat chuki thi yeh nazar sab se bohat din pehle
Mein ne dekha tha tujhe ab se bohat pehle
غزل
کٹ چکی تھی یہ نظر سب سے بہت دن پہلے
میں نے دیکھا تھا تجھے اب سے بہت دن پہلے

آج تک گوش بر آواز ہوں سناٹے میں
حرف اُترا تھا ترے لب سے بہت دن پہلے

میں نے مستی میں یہ پوچھا تھا کہ ہستی کیا ہے
رفتگانِ مئے و مشرب سے بہت دن پہلے

مسلکِ عشق فقیروں نے کیا تھا ایجاد
اے مبلغ ترے مذہب سے بہت دن پہلے

پھر کسی مے کدہ حسن میں ویسی نہ ملی
جیسے پی تھی کسی خوش لب سے بہت دن پہلے

ایک شخص اور ملا تھا مجھے تیرے جیسا
تو نہ تھا ذہن میں جب ، جب سے بہت دن پہلے

حضرتِ شیخ کا اک رند سے رشتہ کیسا
ہاں ملے تھے کسی مطلب سے بہت دن پہلے

کیا تری سادگی طبع نئی شے ہے شعور
لوگ چلتے تھے اِسی ڈھب سے بہت دن پہلے

کٹ چکی تھی یہ نظر سب سے بہت دن پہلے
میں نے دیکھا تھا تجھے اب سے بہت دن پہلے
Poet: Anwar Shaoor
Share this with your friends