Jo Hamare Mureed Ho Jayen| Afkar Alvi poetry

Jo Hamare Mureed Ho Jayen
Peer khwaja fareed ho jayen

Inn dinon sab ko hum muyassar hain
Aayen aur mostafeed ho jayen

Yeh muslamano ko sahulat hai
Kuch bhi kar ke Shaheed ho jayen

Matha sajdon se daghdar kiya
Ta-keh dhabay raseed ho jayen

Yahi insanon ki taharat hai
Khwab dekhein paleed ho jayen

Momino kofiyon se behtar hai
Khule lafzon yazeed ho jayen

Hans le thora mazeed hans le yar
Ta-keh dukh bhi mazeed ho jayen

Jo hamare mureed ho jayen
Peer khwaja fareed ho jayen