Jinhen Mein Dhoondta Tha Aasmano Mein Zameenon Mein
Wo niklay mere zulmat khanah dil ke makeenon mein

Haqeeqat apni aankhon par numaya jab hoi apni
Makaan nikla hamare khanah dil ke makeenon mein

Agar kuch aashna hota mazaaq jabeh sai se
To sang aastan Kaaba ja milta jabeeno mein

Kabhi apna bhi nazarah kiya hai tou ne ay majnu
Keh lila ki tarha tou khud bhi hai mahmal nasheeno mein

Mahinay wasal ke ghariyon ki soorat urte jate hain
Magar ghariyaan judai ki guzarti hain mahinoo mein

Mujhe rokay ga to aay na khuda kia gharaq honay se
Keh jin jo doobna ho doob jate hain safenoo mein

Chhupaya husan ko apne kaleem ullah se jis ne
Wohi naaz aafreen hai jalwa pera naaz ninoo mein

Jala sakti hai shama kashta ko mouj nafs unn ki
Ilahi kia chhupa hota hai ahl-e-dil ke seenon mein

Tamanna dard-e-dil ki ho to kar khidmat faqeeron ki
Nahi milta yeh gohar badshahon ke khazeenon mein

Nah pochh inn khirqah poshon ki iradaat ho to dekh inn ko
Yad beizaa liye bethay hain apni aastinoo mein

Tarasti hai nigah narasaa jis ke nizaray ko
Woh ronaq anjuman ki hai unhi khalwat gazinoo mein

Kisi aisay sharer se phoonk apne kharman dil ko
Keh khurshaid qayamat bhi ho tere khusha cheenoo mein

Mohabbat ke liye dil dhoond koi tootnay wala
Yeh woh may hai jisay rakhtay hain naazuk aabginoo mein

Sarapa husan ban jata hai jis ke husan ka aashiq
Bhula ay dil haseen aisa bhi hai koi haseenoo mein

Pharak utha koi teri adaaye ma arfana par
Tera rutba raha barh charh ke sab naaz aafreenoo mein

Numaya ho ke dikhla day kabhi unn ko jamal apna
Bohat muddat se charchay hain tere bareek beenon mein

Khamosh ay dil bhari mehfil mein chilana nahi acha
Adab pehla qareena hai mohabbat ke qareenon mein

Bura samjhon unhein mujh se to aisa ho nahi sakta
Keh mein khud bhi to hoon Iqbal apne nukta cheenon mein

Jinhen mein dhoondta tha aasmano mein zameenon mein
Wo niklay mere zulmat khanah dil ke makeenon mein

غزل
جنہیں میں ڈھونڈتا تھا آسمانوں میں زمینوں میں
وہ نکلے میرے ظلمت خانہ دل کے مکینوں میں

حقیقت اپنی آنکھوں پر نمایاں جب ہوئی اپنی
مکاں نکلا ہمارے خانہ دل کے مکینوں میں

اگر کچھ آشنا ہوتا مذاق جبہہ سائی سے
تو سنگ آستاں کعبہ جا ملتا جبینوں میں

کبھی اپنا بھی نظارہ کیا ہے تو نے اے مجنوں
کہ لیلی کی طرح تو خود بھی ہے محمل نشینوں میں

مہینے وصل کے گھڑیوں کی صورت اڑتے جاتے ہیں
مگر گھڑیاں جدائی کی گزرتی ہیں مہینوں میں

مجھے روکے گا تو اے ناخدا کیا غرق ہونے سے
کہ جن کو ڈوبنا ہو ڈوب جاتے ہیں سفینوں میں

چھپایا حسن کو اپنے کلیم اللہ سے جس نے
وہی ناز آفریں ہے جلوہ پیرا نازنینوں میں

جلا سکتی ہے شمع کشتہ کو موج نفس ان کی
الہی کیا چھپا ہوتا ہے اہل دل کے سینوں میں

تمنا درد دل کی ہو تو کر خدمت فقیروں کی
نہیں ملتا یہ گوہر بادشاہوں کے خزینوں میں

نہ پوچھ اِن خرقہ پوشوں کی اِرادت ہو تو دیکھ ان کو
ید بیضا لیے بیٹھے ہیں اپنی آستینوں میں

ترستی ہے نگاہ نا رسا جس کے نظارے کو
وہ رونق انجمن کی ہے انہی خلوت گزینوں میں

کسی ایسے شرر سے پھونک اپنے خرمن دل کو
کہ خورشید قیامت بھی ہو تیرے خوشہ چینوں میں

محبت کے لیے دل ڈھونڈ کوئی ٹوٹنے والا
یہ وہ مے ہے جسے رکھتے ہیں نازک آبگینوں میں

سراپا حسن بن جاتا ہے جس کے حسن کا عاشق
بھلا اے دل حسیں ایسا بھی ہے کوئی حسینوں میں

پھڑک اٹھا کوئی تیری ادائے ما عرفنا پر
ترا رتبہ رہا بڑھ چڑھ کے سب ناز آفرینوں میں

نمایاں ہو کے دکھلا دے کبھی ان کو جمال اپنا
بہت مدت سے چرچے ہیں ترے باریک بینوں میں

خموش اے دل بھری محفل میں چِلاَنا نہیں اچھا
ادب پہلا قرینہ ہے محبت کے قرینوں میں

بُرا سمجھوں انہیں مجھ سے تو ایسا ہو نہیں سکتا
کہ میں خود بھی تو ہوں اقبال اپنے نکتہ چینوں میں

جنہیں میں ڈھونڈتا تھا آسمانوں میں زمینوں میں
وہ نکلے میرے ظلمت خانہ دل کے مکینوں میں

Share this with your friends