Jhanktay Jhanktay Kinare Se
Raat mein gir para sitare se
Waise mein saf mein aakhri tha magar
Uss nay bulwa liya isharay se
Aur pass aagaya bichhar kar to
Faida ho gaya khasaray se
Ghar nehi be ghari banai hai
Mein ne wehshat ke eent garay se
Shayaro ne kamai ki hai bohat
Raigani ke istaaray se
Tou mere rab ka faisala hai mian
Tujh ko paya hai istikharay se
Ik musafir ko dekhta tha koi
Shahr ke aakhri manaray se
Kia batao keh yaad aaya kia
Aik khush rang shukar paray se
Talkhiyon ke ilawa kia milta
Aik mithay ko aik kharay se
Kuch nah puchho ke kia kiya faris
Aik pyare ne pyare se
Jhanktay jhanktay kinare se
Raat mein gir para sitare se
غزل
جھانکتے جھانکتے کنارے سے
رات میں گر پڑا ستارے سے
ویسے میں صف میں آخری تھا مگر
اُس نے بلوا لیا اِشارے سے
اور پاس آگیا بچھڑ کر تو
فائدہ ہوگیا خسارے سے
گھر نہیں بے گھری بنائی ہے
میں نے وحشت کے اینٹ گارے سے
شاعروں نے کمائی کی ہے بہت
رائیگانی کے استعارے سے
تو مرے رب کا فیصلہ ہے میاں
تجھ کو پایا ہے استخارے سے
اک مسافر کو دیکھتا تھا کوئی
شہر کے آخری منارے سے
کیا بتاؤں کہ یاد آیا کیا
ایک خوش رنگ شکر پارے سے
تلخیوں کے علاوہ کیا ملتا
ایک میٹھے کو ایک کھارے سے
کچھ نہ پوچھو کہ کیا کیا فارس
ایک پیارے نے ایک پیارے سے
جھانکتے جھانکتے کنارے سے
رات میں گر پڑا ستارے سے
