Jari Thi Kab Se Kun Ki Sada Rok Di Gai
Lekhak ka dil bhara to katha rok di gai

Uss ne to sirf mujh ko ishara kiya ke rok
Har cheez apni apni jaga rok di gai

Har shab hawa se bajti thi sab band khirkiyan
Ik shab woh khul di to hawa rok di gai

Jane hain kitni chokiyan arsh barin talak
Jane kahan hamari dua rok di gai

Mein la ilaaj ho giya hoon yun pata chala
Ik din bina bataye dua rok di gai

Girye ko tark kar ke mein khush baash ho gaya
Gham mar gaya jab uss ki ghiza rok di gai

Meri sazaye mout peh sab ghamzada thay aur
Mein khush keh zindagi ki saza rok di gai

Jari thi kab se kun ki sada rok di gai
Lekhak ka dil bhara to katha rok di gai
غزل
جاری تھی کب سے کُن کی صدا روک دی گئی
لیکھک کا دل بھرا تو کتھا روک دی گئی

اُس نے تو صرف مجھ کو اشارہ کیا کے رُک
ہر چیز اپنی اپنی جگہ روک دی گئی

ہر شب ہوا سے بجتی تھی سب بند کھڑکیاں
اک شب وہ کھول دیں تو ہوا روک دی گئی

جانے ہیں کتنی چوکیاں عرش بریں تلک
جانے کہاں ہماری دعا روک دی گئی

میں لاعلاج ہو گیا ہوں یوں پتہ چلا
اک دن بنا بتائے دوا روک دی گئی

گریے کو ترک کر کے میں خوش باش ہو گیا
غم مر گیا جب اُس کی غذا روک دی گئی

میری سزائے موت پہ سب غمزدہ تھے اور
میں خوش کہ زندگی کی سزا روک دی گئی

جاری تھی کب سے کُن کی صدا روک دی گئی
لیکھک کا دل بھرا تو کتھا روک دی گئی
Poet: Umair Najmi
Share this with your friends