Har Ek Hazar Mein Bas Panch Saat Hain Hum Log

Har Ek Hazar Mein Bas Panch Saat Hain Hum Log
Nisaab-e-ishq peh wajib-e-zakat hain hum log

Dabao mein bhi jamaat kabhi nahi badli
Shuru din se mohabbat ke sath hain hum log

Jo seekhni ho zuban-e-sukoot bismillah
Khamoshiyon ki mukamal lughat hain hum log

Kahaniyon ke woh kirdaar jo likhay nah gaye
Khabar se hazaf shuda waqiyaat hain hum log

Yeh intezaar hamein dekh kar banaya gaya
Zahoor-e-hijr se pehle ki baat hain hum log

Kisi ko rasta de den kisi ko pani nah den
Kahin peh neel kahin par furaat hain hum log

Hamein jala ke koi shab guzar sakta hai
Sarak peh bikhray hoye kaghzat hain hum log

Har ik hazar mein bas panch saat hain hum log
Nisaab-e-ishq peh wajib-e-zakat hain hum log