Sukut Sham Mein Goonji Sada Udaasi Ki
Keh hai mazeed udaasi dawa udaasi ki
Bohat sharer tha mein aur hansta phirta tha
Phir ik faqeer ne day di dua udaasi ki
Umoor dil mein kisi teesray ka dakhal nahi
Yahan faqt teri chalti hai ya udaasi ki
Chiragh dil ko zara ahtiyaat se rakhna
Keh aaj raat chalay gi hawa udaasi ki
Wo imtezaaj tha aisa keh dang thi har aankh
Jamal yaar ne pehni qaba udaasi ki
Usi umeed peh aankhen barasti rehti hain
Keh aik din tou sunay ga khuda udaasi ki
Shajar ne pocha keh tujh mein yeh kis ki khushbu hai
Hawaye sham alm ne kaha udaasi ki
Dil afsurda ko mein ne to mar hi daala
So mein to theek hoon ab tou suna udaasi ki
Zara sa chholen to ghanton dehakti rehti hai
Hamein to maar gai yeh ada udaasi ki
Bohat dinon se mein uss se nahi mila faris
Kahin se khair khabar le ke aa udaasi ki
Sukut sham mein goonji sada udaasi ki
Keh hai mazeed udaasi dawa udaasi ki
غزل
سکوت شام میں گونجی صدا اداسی کی
کہ ہے مزید اداسی دوا اداسی کی
بہت شریر تھا میں اور ہنستا پھرتا تھا
پھر اک فقیر نے دے دی دعا اداسی کی
اُمور دل میں کسی تیسرے کا دخل نہیں
یہاں فقط تری چلتی ہے یا اُداسی کی
چراغ دل کو ذرا احتیاط سے رکھنا
کہ آج رات چلے گی ہوا اداسی کی
وہ امتزاج تھا ایسا کہ دنگ تھی ہر آنکھ
جمال یار نے پہنی قبا اداسی کی
اُسی امید پہ آنکھیں برستی رہتی ہیں
کہ ایک دن تو سنے گا خدا اُداسی کی
شجر نے پوچھا کہ تجھ میں یہ کس کی خوشبو ہے
ہوائے شام الم نے کہا اُداسی کی
دل افسردہ کو میں نے تو مار ہی ڈالا
سو میں تو ٹھیک ہوں اب تو سنا اداسی کی
ذرا سا چھولیں تو گھنٹوں دہکتی رہتی ہے
ہمیں تو مار گئی یہ ادا اُداسی کی
بہت دنوں سے میں اُس سے نہیں ملا فارس
کہیں سے خیر خبر لےکے آ اُداسی کی
سکوت شام میں گونجی صدا اداسی کی
کہ ہے مزید اداسی دوا اداسی کی
