Lagay Howay Hain Khuda Jo Hum Per Wo Jab Maren Gay, To Sab Maren Gay
Hamare hathon ek aik kar ke yeh ab maren gay, to sab maren gay
Jo bant’te thay kisi ko jannat, kisi ko dozakh, wo aaj khud bhi
Khuda ki chaki mein aa gaye hain so ab maren gay, to sab maren gay
Khuda ne mazhab se bala bala hamesha qaomon ki sarzish ki
Kaha usi ne keh es waba ke sabab maren gay, to sab maren gay
Wo jis ne kafir qarar dene ki rasam dali thi, roz e mehsahr
Kaha gaya us ko “tou” idher aa keh ab maren gay, to sab maren gay
Farat pani ke hum hain piyasay, to wo hamare hain khoon ke piyasay
Tere kinare jo aaj hum tashna lab maren gay, to sab maren gay
Jo bach gaye hain, inhain bato na apne andar daraar dalen
Keh apne ghar hi ki chhat ke niche jo dab maren gay, sab maren gaye
Duayen kar lo, dawayen kar lo, magar fana se na bach sako gay
Jo lekhne walay ne lekh diya hai keh sab maren gay, to sab maren gay
Yeh kuch faqeeron ki hi duayen azab talay howay hain tum se
Tum in ki nabzon peh hath rakho yeh jab maren gay, to sab maren gay
Tou kyun na aisa karen keh jaise hoon aik dojay ke bhai bhai
Keh ab jiyen gay, to sab jiyen gay aur maren gay to sab maren gay
Lagay howay hain khuda jo hum per wo jab maren gay, to sab maren gay
Hamare hathon ek aik kar ke yeh ab maren gay, to sab maren gay
غزل
لگے ہوئے ہیں خدا جو ہم پر وہ جب مریں گے، تو سب مریں گے
ہمارے ہاتھوں اک ایک کر کے یہ اب مریں گے، تو سب مریں گے
جو بانٹتے تھے کسی کو جنت، کسی کو دوزخ، وہ آج خود بھی
خدا کی چکّی میں آ گئے ہیں سو اب مریں گے، تو سب مریں گے
خدا نے مذہب سے بالا بالا، ہمیشہ قوموں کی سرزنِش کی
کہا اُسی نے کہ اِس وبا کے سبب مریں گے، تو سب مریں گے
وہ جس نے کافر قرار دینے کی رسم ڈالی تھی، روزِ محشر
کہا گیا اُس کو ” تُو اِدھر آ کہ اب مریں گے، تو سب مریں گے
فرات پانی کے ہم ہیں پیاسے، تو وہ ہمارے ہیں خوں کے پیاسے
تیرے کنارے جو آج ہم تشنہ لب مریں گے، تو سب مریں گے
جو بچ گئے ہیں، انہیں بتاؤ نہ اپنے اندر دراڑ ڈالیں
کہ اپنے گھر ہی کی چھت کے نیچے جو دب مریں گے، تو سب مریں گے
دعائیں کر لو، دوائیں کر لو، مگر فنا سے نہ بچ سکو گے
جو لکھنے والے نے لکھ دیا ہے کہ سب مریں گے، تو سب مریں گے
یہ کچھ فقیروں کی ہی دعائیں عذاب ٹالے ہوئے ہیں تم سے
تم اِن کی نبضوں پہ ہاتھ رکھو یہ جب مریں گے، تو سب مریں گے
تو کیوں نہ ایسا کریں کہ جیسے ہوں ایک دوجے کے بھائی بھائی
کہ اب جئیں گے، تو سب جئیں گے اور اب مریں گے، تو سب مریں گے
