Kitne Bhulay Howay Nagmat Sunane Aaye
Phir tere khawab mujhe mujh se churane aaye
Phir dhank rang tamanon ne ghaira mujh ko
Phir tere khat mujhe dewana banane aaye
Phir tere yaad mein ankhy hoi shabnam shabnam
Phir wohi nined na ane ke zamany aaye
Phir tera zikar kiya badesaba ne mujh se
Phir mere dil ko dharakny ke bhanye aaye
Phir mere kasa khali ka muqader jaga
Phir mere hath muhabat ke khazane aaye
Shart sailab samone ki laga rakhi thi
Aur do ashk bhi hum se na chupane aaye
Kitne bhulay howay nagmat sunane aaye
Phir tere khawab mujhe mujh se churane aaye
غزل
کتنے بھولے ہوئے نغمات سنانے آئے
پھر تیرے خواب مجھے مجھ سے چرانے آئے
پھر دھنک رنگ تمناؤں نے گھیرا مجھ کو
پھر تیرے خط مجھے دیوانہ بنانے آئے
پھر تیری یاد میں آنکھیں ہوئیں شبنم شبنم
پھر وہی نیند نہ آنے کے زمانے آئے
پھر تیرا ذکر کیا باد صبا نے مجھ سے
پھر میرے دل کو دھڑکنے کے بہانے آئے
پھر میرے کاسۂ خالی کا مقدر جاگا
پھر میرے ہاتھ محبت کے خزانے آئے
شرط سیلاب سمونے کی لگا رکھی تھی
اور دو اشک بھی ہم سے نہ چھپانے آئے
کتنے بھولے ہوئے نغمات سنانے آئے
پھر تیرے خواب مجھے مجھ سے چرانے آئے