Jis Haal Mein Tum Rakho Wohi Haal Mubarak
Hum ahl-e-mohabbat ko naya saal Mubarak

Har dil ko ho mouh mangi tamanaon ka musda
Har aankh ko man chahay khadokhaal Mubarak

Har phaili hatheli ki duawon ko duayen
Har paon ko manzil ki taraf chaal Mubarak

Yakh basta shab-e-hijar ki barfeeli hawa mein
Mujh ko tera gham tujh ko teri shaal Mubarak

Har chand tujhe uss ne faqt dard diye hain
Faris tujhe yeh ishq behr haal Mubarak

Jis haal mein tum rakho wohi haal Mubarak
Hum ahl-e-mohabbat ko naya saal Mubarak