Haan Abhi Pechle Bars Tak Ek Darya Tha Wahaan
Us taraf se aaj mein guzra to sehra tha wahaan
Ab sawa nizay peh sooraj hai jahaan thehra howa
Aik bargad tha wahaan kal aik saya tha wahaan
Aye musawir chand ki tasweer aisi to na thi
Ab jahaan aik khali pan hai aik sitra tha wahaan
Aik jhalak panay ko meri dorti phirti thi wo
Aik darecha tha yahaan to aik daricha tha wahaan
Mere lafzoon mein gholi hai us kinare ki nami
Ungalion se mein kisi ka naam lekhta tha wahaan
Wo hawali ratjagay ke naam se mashoor thi
Shaam dhaltay hi naya sooraj nikalta tha wahaan
Us kutab khane ki janib mujhko lay jata tha dil
Koi mere wastay aik phool rakhta tha wahaan
Haan abhi pechle bars tak ek darya tha wahaan
Us taraf se aaj mein guzra to sehra tha wahaan
غزل
ہاں ابھی پچھلے برس تک اک دریا تھا وہاں
اُس طرف سے آج میں گزرا تو صحرا تھا وہاں
اب سوا نیزے پہ سورج ہے جہاں ٹھہرا ہوا
ایک برگد تھا وہاں کل ایک سایہ تھا وہاں
اے مصور چاند کی تصویر ایسی تو نہ تھی
اب جہاں ایک خالی پن ہے اک ستارہ تھا وہاں
ایک جھلک پانے کو میری دوڑتی پھرتی تھی وہ
ایک دریچہ تھا یہاں تو ایک دریچہ تھا وہاں
میرے لفظوں میں گھولی ہے اُس کنارے کی نمی
اُنگلیوں سے میں کسی کا نام لکھتا تھا وہاں
وہ حویلی رتجگے کے نام سے مشہور تھی
شام ڈھلتے ہی نیا سورج نکلتا تھا وہاں
اُس کُتب خانے کی جانب مجھکو لے جاتا تھا دل
کوئی میرے واسطے ایک پھول رکھتا تھا وہاں
