Galiyaan Di Na Kisi Shakhs Se Munh Mari Ki
Jab bhi dukh puncha mujhe mein ne ghazal jari ki
Aye murkh tera jungle na katay ga hum se
Tu ne tareekh mein shajre ki shajr kari ki
Astabal mein tere ajdad howa karte hain
Teri jageer se bou ati hai gadari ki
Achay achay bhi tumhain sakht buray lagtay hain
Ishq sahib koi had hoti hai bezari ki
Yeh alag baat pasand ayi na tujh ko warna
Mein ne tere liye kiya kiya na kharidari ki
Mujh buray shakhs is zulam ki umeed na thi
Tu ne kiya soch keh zalim meri dildari ki
Naye larko tumhain maloom nahi hai shahid
Qais ne ishq kiya tum ne adakari ki
Raat paidon ne parhe aise musahib tabish
Mere hamrah parindo ne azadari ki
Galiyaan di na kisi shakhs se munh mari ki
Jab bhi dukh puncha mujhe mein ne ghazal jari ki
غزل
گالیاں دی نہ کسی شخص سے منہ ماری کی
جب بھی دکھ پہنچا مجھے میں نے غزل جاری کی
اے مورخ تیرا جنگل نہ کٹےگا ہم سے
تو نے تاریخ میں شجرے کی شجر کاری کی
اصطبل میں تیرے اجداد ہوا کرتے تھے
تیری جاگیر سے بو آتی ہے غداری کی
اچھے اچھے بھی تمہیں سخت برے لگتے ہیں
عشق صاحب کوئی حد ہوتی ہے بیزاری کی
یہ الگ بات پسند آئی نہ تجھ کو ورنہ
میں نے تیرے لئے کیا کیا نہ خریداری کی
مجھ برے شخص کو اس ظلم کی امید نہ تھی
تو نے کیا سوچ کہ ظالم میری دلداری کی
نئے لڑکو تمہیں معلوم نہیں ہے شاید
قیس نے عشق کیا تم نے اداکاری کی
رات پیڑوں نے پڑھے ایسے مصائب تابش
میرے ہمراہ پرندوں نے عزاداری کی
گالیاں دیں نہ کسی شخص سے منہ ماری کی
جب بھی دکھ پہنچا مجھے میں نے غزل جاری کی
