Ek Hunar Hai Jo Kar Gaya Hoon Mein
Sab ke dil se utar gaya hoon mein
Kaise apni hansi ko zabt karoon
Sun raha hoon keh ghar gaya hoon mein
Kia bataon keh mar nahi pata
Jeetay ji jab se mar gaya hoon mein
Ab hai bas apna samna dar pesh
Har kisi se guzar gaya hoon mein
Wohi naaz-o-ada wohi ghamzey
Sar bah sar aap par gaya hoon mein
Ajab ilzaam hoon zamanay ka
Keh yahan sab ke sar gaya hoon mein
Kabhi khud tak pahunch nahi paaya
Jab keh waan umar bhar gaya hoon mein
Tum se jaana mila hoon jis din se
Be tarah khud se dar gaya hoon mein
Koye jaana mein sog barpa hai
Keh achanak sudhar gaya hoon mein
Ek hunar hai jo kar gaya hoon mein
Sab ke dil se utar gaya hoon mein
غزل
اک ہنر ہے جو کر گیا ہوں میں
سب کے دل سے اُتر گیا ہوں میں
کیسے اپنی ہنسی کو ضبط کروں
سن رہا ہوں کہ گھر گیا ہوں میں
کیا بتاؤں کہ مر نہیں پاتا
جیتے جی جب سے مر گیا ہوں میں
اب ہے بس اپنا سامنا در پیش
ہر کسی سے گزر گیا ہوں میں
وہی ناز و ادا وہی غمزے
سر بہ سر آپ پر گیا ہوں میں
عجب الزام ہوں زمانے کا
کہ یہاں سب کے سر گیا ہوں میں
کبھی خود تک پہنچ نہیں پایا
جب کہ واں عمر بھر گیا ہوں میں
تم سے جاناں ملا ہوں جس دن سے
بے طرح خود سے ڈر گیا ہوں میں
کوئے جاناں میں سوگ برپا ہے
کہ اچانک سدھر گیا ہوں میں
اک ہنر ہے جو کر گیا ہوں میں
سب کے دل سے اُتر گیا ہوں میں
