Dhondta Phirta Hoon Logon Se Bharay Lahore Mein
Kuch puranay yaar mil jayen naaye Lahore mein
Mein ne mannat maan li hai aaj dataa ke huzoor
Dekhna tum jalad wapas aaogay Lahore mein
Dana pani dhondnay sab ja basay hain dour dais
Kya zamana tha keh saaray dost thay Lahore mein
Faiz, minto aur munir, Iqbal, nasir aur Nadeem
Haye kia kia walwalay aabaad thay Lahore mein
Dou hi shahron mein hain achhi aankhein hindustaniyo
Ya tumhare lakhno mein ya mere Lahore mein
Aap shayad bhool bethay hain mujhe to yaad hai
Aik baar aankhein mili theen aap se Lahore mein
Jane kis aasaib ka saya hai mere shahr par
Aaj kal lagte nahi hain qehqay Lahore mein
Dhondta phirta hoon logon se bharay Lahore mein
Kuch puranay yaar mil jayen naaye Lahore mein
غزل
ڈھونڈتا پھرتا ہوں لوگوں سے بھرے لاہور میں
کچھ پرانے یار مل جائیں نئے لاہور میں
میں نے منّت مان لی ہے آج داتا کے حضور
دیکھنا تم جلد واپس آوگے لاہور میں
دانہ پانی ڈھونڈنے سب جا بسے ہیں دور دیس
کیا زمانہ تھا کہ سارے دوست تھے لاہور میں
فیض، منٹو اور منیر، اقبال، ناصر اور ندیم
ہائے کیا کیا ولولے آباد تھے لاہور میں
دو ہی شہروں میں ہیں اچھی آنکھیں، ہندوستانیو
یا تمہارے لکھنؤ میں یا مرے لاہور میں
آپ شاید بھول بیٹھے ہیں مجھے تو یاد ہے
ایک بار آنکھیں ملی تھیں آپ سے لاہور میں
جانے کس آسیب کا سایہ ہے میرے شہر پر
آج کل لگتے نہیں ہیں قہقہے لاہور میں
ڈھونڈتا پھرتا ہوں لوگوں سے بھرے لاہور میں
کچھ پرانے یار مل جائیں نئے لاہور میں
