Daim Para Howa Tere Dar Par Nahi Hoon Mein
Khaak aisi zindagi peh keh pathar nahi hoon mein

Kyun gardish-e-mudam se ghabra nah jaye dil
Insan hoon pyalaa-o-saghar nahi hoon mein

Ya rab zamana mujh ko mitata hai kis liye
Loh jahan peh harf mukarrar nahi hoon mein

Had chahiye saza mein uqobat ke wastay
Aakhir gunah gaar hoon kafir nahi hoon mein

Kis wastay aziz nahi jantay mujhe
Laal-o-zamurd-o-zar-o-gohar nahi hoon mein

Rakhte ho tum qadam meri aankhon se kyun daregh
Rutbay mein mehar-o-maah se kam tar nahi hoon mein

Karte ho mujh ko mana qadam bos kis liye
Kia aasman ke bhi barabar nahi hoon mein

Ghalib wazifa khawar ho do shah ko dua
Woh din gaye keh kehtay thay nokar nahi hoon mein

Daim para howa tere dar par nahi hoon mein
Khaak aisi zindagi peh keh pathar nahi hoon mein

غزل
دائم پڑا ہوا ترے در پر نہیں ہوں میں
خاک ایسی زندگی پہ کہ پتھر نہیں ہوں میں

کیوں گردشِ مدام سے گھبرا نہ جائے دل
انسان ہوں پیالہ و ساغر نہیں ہوں میں

یارب زمانہ مجھ کو مٹاتا ہے کس لیے
لوح جہاں پہ حرف مکرر نہیں ہوں میں

حد چاہیے سزا میں عقوبت کے واسطے
آخر گناہ گار ہوں کافر نہیں ہوں میں

کس واسطے عزیز نہیں جانتے مجھے
لعل و زمرد و زر و گوہر نہیں ہوں میں

رکھتے ہو تم قدم مری آنکھوں سے کیوں دریغ
رتبے میں مہر و ماہ سے کم تر نہیں ہوں میں

کرتے ہو مجھ کو منع قدم بوس کس لیے
کیا آسمان کے بھی برابر نہیں ہوں میں

غالب وظیفہ خوار ہو دو شاہ کو دعا
وہ دن گئے کہ کہتے تھے نوکر نہیں ہوں میں

دائم پڑا ہوا ترے در پر نہیں ہوں میں
خاک ایسی زندگی پہ کہ پتھر نہیں ہوں میں

کیوں گردشِ مدام سے گھبرا نہ جائے دل
انسان ہوں پیالہ و ساغر نہیں ہوں میں

Share this with your friends