Bacha Hai Is Ko Yun Nah Akelay Kafan Mein Daal
Aik aadh guriya chand khilone kafan mein daal


Nazak hai konpalon ki tarah mere sheer khawar
Sardi bari shadeed hai dhuray kafan mein daal


Kapray isay pasand nahi hain khulay khulay
Choti si lash hai isay chotay kafan mein daal


Dafna isay haseen ke gham mein lapait kar
Yeh karbalai hai isay kalay kafan mein daal


Nanha sa hai yeh paon woh chhota sa hath hai
Mere jigar ke tukron ke tukray kafan mein daal


Mujh ko bhi gar day mere lakht-e-jigar ke saath
Seenay peh mere rakh isay mere kafan mein daal


Darta bohat hai keeray makoron se is ka dil
Kaghaz peh likh yeh baat aur is ke kafan mein daal


Mitti mein khailany se lithad jaye ga safaid
Neela sajay ga is peh so neelay kafan mein daal


Easa ki tarah aaj koi moujza dikha
Yeh phir se ji uthay isay aise kafan mein daal


Sota nahi hai yeh meri aagosh ke baghair
Faris mujhe bhi kaat ke is ke kafan mein daal


Bacha hai is ko yun nah akelay kafan mein daal
Aik aadh guriya chand khilone kafan mein daal
غزل
بچہ ہے اِس کو یوں نہ اکیلے کفن میں ڈال
ایک آدھ گڑیا چند کھلونے کفن میں ڈال


نازک ہے کونپلوں کی طرح میرا شیر خوار
سردی بڑی شدید ہے دوھرے کفن میں ڈال


کپڑے اِسے پسند نہیں ہیں کھلے کھلے
چھوٹی سی لاش ہے اِسے چھوٹے کفن میں ڈال


دفنا اِسے حسین کے غم میں لپیٹ کر
یہ کربلائی ہے اِسے کالے کفن میں ڈال


ننھا سا ہے یہ پاؤں وہ چھوٹا سا ہاتھ ہے
میرے جگر کے ٹکڑوں کے ٹکڑے کفن میں ڈال


مجھ کو بھی گاڑ دے مرے لختِ جگر کے ساتھ
سینے پہ میرے رکھ اِسے میرے کفن میں ڈال


ڈرتا بہت ہے کیڑے مکوڑوں سے اِس کا دل
کاغذ پہ لکھ یہ بات اور اِ س کے کفن میں ڈال


مٹی میں کھیلنے سے لتھڑ جائے گا سفید
نیلا سجے گا اِس پہ سو نیلے کفن میں ڈال


عیسی کی طرح آج کوئی معجزہ دکھا
یہ پھر سے جی اُٹھے اِسے ایسے کفن میں ڈال


سوتا نہیں ہے یہ میری آغوش کے بغیر
فارس مجھے بھی کاٹ کے اِس کے کفن میں ڈال


بچہ ہے اِس کو یوں نہ اکیلے کفن میں ڈال
ایک آدھ گڑیا چند کھلونے کفن میں ڈال

Share this with your friends