Agar Tumhein Shak Hai To Parh Lo Mera Ashaar Mian
Aag se atar banata hoon mein attar mian
Tumhein lakhon ki talab aur mere batway mein
Gir bohat bhi hoye hoon gay yahi dou chaar mian
Bagh se tum ne churaye hi nahi aam kabhi
Kaise samjhogay tum us jism ke israr mian
Mein kisi teesray lehje mein tumhein doon ga jawab
Meri janib se hai iqrar nah inkar mian
Jin se pahonchi hai bohat khalq khuda ko rahat
Kyun bhula jayen gay dozakh mein woh kuffar mian
Rasiyaan ban ke paray rehtay hain dasne ke liye
Dehaan rakh sanp bhi hotay hain adakar mian
Agar Tumhein Shak Hai To Parh Lo Mera Ashaar Mian
Aag se atar banata hoon mein attar mian
غزل
اگر تمہیں شَک ہے تو پَڑھ لُو مرے اشعار مِیاں
آگ سے عَطر بناتا ہوں میں عطار مِیاں
تمہیں لاکھوں کی طلب اور مرے بٹوے میں
گر بہت بھی ہوئے ہوں گے یہی دو چار مِیاں
باغ سے تم نے چُرائے ہی نہیں آم کبھی
کیسے سَمجھو گے تُم اُس جِسم کے اسرار مِیاں
میں کسی تِیسرے لہجے میں تمہیں دوں گا جواب
میری جانب سے ہے اقرار نہ انکار مِیاں
جِن سے پہنچی ہے بہت خَلقِ خدا کو راحت
کیوں بھلا جائیں گے دوزخ میں وہ کُفار مِیاں
رسیاں بن کے پڑے رہتے ہیں ڈَسنے کےلیے
دھیان رکھ سانپ بھی ہوتے ہیں اداکار مِیاں
اگر تمہیں شَک ہے تو پَڑھ لُو مرے اشعار مِیاں
آگ سے عَطر بناتا ہوں میں عطار مِیاں
