- آج 13 فروری یوم فیض پہ ضیاء محی الدین ہم سے بچھڑ گئے.
انا للہ وانا الیہ راجعون
عالمی شہرت یافتہ ہدایتکار،اداکار اور ٹی وی میزبان ضیا محی الدین کا انتقال کراچی میں ہوا
عالمی شہرت یافتہ ممتاز اداکار، معروف ہدایت کار اور ٹی وی میزبان ضیا محی الدین 91 برس کی عمر میں انتقال کرگئے۔ضیاء محی الدین طبیعت میں ناسازی کے باعث کراچی کے نجی ہسپتال میں زیر علاج تھے۔
کچھ دن پہلےضیاء محی الدین کو بخار اور پیٹ میں شدید تکلیف کے باعث ہسپتال داخل کیا گیا جہاں پر الٹراساؤنڈ کے بعد معلوم ہوا ہے کہ انکی آنت میں خرابی ہے. جس پر انکی آنت کا آپریشن کیا گیا۔آپریشن کے بعد ضیاء محی الدین کو ہسپتال کے انتہائی نگہداشت وارڈ منتقل کیا گیا تھا۔
ضیا محی الدین 20 جون 1931 کو فیصل آباد میں پیدا ہوئے، ضیا محی الدین کے والد کو پاکستان کی پہلی فلم تیری یاد کے مصنف اور مکالمہ نگار ہونے کا اعزاز حاصل تھا۔
1962 میں انہیں مشہور فلم لارنس آف عریبیہ میں کام کرنے کا موقع ملا، جس میں انہوں نے ایک یادگار کردار ادا کیا۔ضیا محی الدین نے’ضیا محی الدین شو‘ کے نام سے ایک سٹیج پروگرام کی میزبانی بھی کی۔
حکومت نے مرحوم کو 2012 کو ہلال امتیازسے بھی نوازا۔
مرحوم ضیاء محی الدین کی نمازِ جنازہ آج بعد نمازِ ظہر ڈیفنس فیز 4 میں واقع امام بارگاہ یثرب میں ادا کی جائے گی۔
