Meri Mehfil Tha Meri Khalwat Jaan Tha Kiya Tha
Woh ajab shakhs tha ik raaz nihaan tha kia tha

Baal khule hoye phirti theen haseenayien kuch
Wasal tha ya keh judaai ka samaan tha kia tha

Haye iss shokh ke khul paye nah israar kabhi
Jane woh shakhs yaqeen tha keh gumaan tha kia tha

Tum jisay markazi kirdaar samjh baithe ho
Woh fasane mein agar tha tou kahan tha kia tha

Kyun wasi shah peh pari zadiyan jan deti hain
Mah kinaan tha shair tha jawaan tha kia tha

Meri mehfil tha meri khalwat jaan tha kiya tha
Woh ajab shakhs tha ik raaz nihaan tha kia tha
غزل
میری محفل تھا مری خلوت جاں تھا کیا تھا
وہ عجب شخص تھا اک راز نہاں تھا کیا تھا

بال کھولے ہوئے پھرتی تھیں حسینائیں کچھ
وصل تھا یا کہ جدائی کا سماں تھا کیا تھا

ہائے اس شوخ کے کھل پائے نہ اسرار کبھی
جانے وہ شخص یقیں تھا کہ گماں تھا کیا تھا

تم جسے مرکزی کردار سمجھ بیٹھے ہو
وہ فسانے میں اگر تھا تو کہاں تھا کیا تھا

کیوں وصی شاہ پہ پری زادیاں جان دیتی ہیں
ماہ کنعان تھا شاعر تھا جواں تھا کیا تھا

میری محفل تھا مری خلوت جاں تھا کیا تھا
وہ عجب شخص تھا اک راز نہاں تھا کیا تھا
Poet: Wasi Shah
Share this with your friends