غزل

یہ کب کہا تھا نظاروں سے خوف آتا ہے
مجھے تو چاند ستاروں سے خوف آتا ہے

میں دشمنوں کے کسی وار سے نہیں ڈرتا
مجھے تو اپنے ہی یاروں سے خوف آتا ہے

خزاں کا جبر تو سینے پہ روک لیتے ہیں
ہمیں اداس بہاروں سے خوف آتا ہے

ملے ہیں دوستو بیساکھیوں سے غم اتنے
مرے بدن کو سہاروں سے خوف آتا ہے

میں التفات کی خندق سے دور رہتا ہوں
تعلقات کے غاروں سے خوف آتا ہے

Ghazal
Ye Kab Kaha Tha Nazaron Se Khauf Aata Hai
Mujhe to chand sitaron se khauf aata hai

Mein dushmanon ke kisi war se nahin darta
Mujhe to apne hi yaron se khauf aata hai

Khizan ka jabr to sine pe rok lete hain
Hamein udas bahaaron se khauf aata hai

Mile hain dosto baisakhiyon se gham itne
Mere badan ko sahaaron se khauf aata hai

Main iltifat ki khandaq se dur rahta hun
Talluqat ke ghaaron se khauf aata hai