شاعر: انور مسعود
کب تلک یوں دھوپ چھاؤں کا تماشا دیکھنا
دھوپ میں پھرنا گھنے پیڑوں کا سایا دیکھنا
ساتھ اس کے کوئی منظر کوئی پس منظر نہ ہو
اس طرح میں چاہتا ہوں اس کو تنہا دیکھنا
رات اپنے دیدۂ گریاں کا نظارہ کیا
کس سے پوچھیں خواب میں کیسا ہے دریا دیکھنا
اس گھڑی کچھ سوجھنے دے گی نہ یہ پاگل ہوا
اک ذرا آندھی گزر جائے تو حلیہ دیکھنا
کھل کے رو لینے کی فرصت پھر نہ اس کو مل سکی
آج پھر انورؔ ہنسے گا بے تحاشا دیکھنا
Kab Talak Yun Dhup Chhanw Ka Tamasha Dekhna
dhup mein phirna ghane pedon ka saya dekhna
 
sath us ke koi manzar koi pas-e-manzar na ho
is tarah main chahta hun us ko tanha dekhna
 
raat apne dida-e-giryan ka nazzara kiya
kis se puchhen khwab mein kaisa hai dariya dekhna
 
is ghadi kuchh sujhne degi na ye pagal hawa
ek zara aandhi guzar jae to huliya dekhna
 
khul ke ro lene ki fursat phir na us ko mil saki
aaj phir ‘anwar’ hansega be-tahasha dekhna
 
Share this with your friends