Aap Apna Ghubaar Thay Hum To
Yaad thay yaad gaar thay hum to
Pardaghi hum se kyun rakha parda
Tere hi parda daar thay hum to
Waqt ki dhoop mein tumhare liye
Shajar saya daar thay hum to
Urray jatay hain dhool ki manind
Aandhiyon par sawaar thay hum to
Hum ne kyun khud peh aitbaar kiya
Sakht be aitbaar thay hum to
Sharm hai apni baar bari ki
Be sabab baar baar thay hum to
Kyu hamein kar diya gaya majboor
Khud hi be ikhtiyar thay hum to
Tum ne kaise bhula diya hum ko
Tum se hi mustaar thay hum to
Khush nah aaya hamein jiye jana
Lamhe lamhe peh baar thay hum to
Sehh bhi letay hamare taanon ko
Jan man jaan nisaar thay hum to
Khud ko doran haal mein apne
Be tarah nagawaar thay hum to
Tum ne hum ko bhi kar diya barbaad
Naadir rozgaar thay hum to
Hum ko yaron ne yad bhi nah rakha
Jin yaron ke yaar thay hum to
Aap apna ghubaar thay hum to
Yaad thay yaad gaar thay hum to
غزل
آپ اپنا غبار تھے ہم تو
یاد تھے یاد گار تھے ہم تو
پردگی ہم سے کیوں رکھا پردہ
تیرے ہی پردہ دار تھے ہم تو
وقت کی دھوپ میں تمہارے لیے
شجر سایہ دار تھے ہم تو
اُڑے جاتے ہیں دھول کی مانند
آندھیوں پر سوار تھے ہم تو
ہم نے کیوں خود پہ اعتبار کیا
سخت بے اعتبار تھے ہم تو
شرم ہے اپنی بار باری کی
بے سبب بار بار تھے ہم تو
کیوں ہمیں کر دیا گیا مجبور
خود ہی بے اختیار تھے ہم تو
تم نے کیسے بھلا دیا ہم کو
تم سے ہی مستعار تھے ہم تو
خوش نہ آیا ہمیں جیے جانا
لمحے لمحے پہ بار تھے ہم تو
سہہ بھی لیتے ہمارے طعنوں کو
جان من جاں نثار تھے ہم تو
خود کو دوران حال میں اپنے
بے طرح ناگوار تھے ہم تو
تم نے ہم کو بھی کر دیا برباد
نادر روزگار تھے ہم تو
ہم کو یاروں نے یاد بھی نہ رکھا
جن یاروں کے یار تھے ہم تو
آپ اپنا غبار تھے ہم تو
یاد تھے یاد گار تھے ہم تو
