Faqt Nigah Ka Par Jana Iltafaat Lagay
Zyada pyaas mein to dasht bhi faraat lagay
Hai bhool jana mian itna be irada amal
Maheenon iss mein lagen warna aik raat lagay
Kuch itni bar kia mustard likha apna
Ghazal tu aik hoi bees kaghzat lagay
Khazana dhoondnay walon ne waqt khota kia
Safar bhi te nah howa din bhi panch saat lagay
Yeh baat cheet se hal hone wala kaam nah tha
Husool ishq mein kuch safli amliyat lagay
Tumhare chhor ke jane ke hadsay ke baad
Jo sanihay hoye mamooli waqiaat lagay
Faqt nigah ka par jana iltafaat lagay
Zyada pyaas mein to dasht bhi faraat lagay

غزل

فقط نگاہ کا پڑ جانا ، التفات لگے
زیادہ پیاس میں تو دشت بھی فرات لگے
ہے بھول جانا میاں اتنا بے ارادہ عمل
مہینوں اس میں لگیں ، ورنہ ایک رات لگے
کچھ اتنی بار کیا مسترد لکھا اپنا
غزل تو ایک ہوئی بیس کاغذات لگے
خزانہ ڈھونڈنے والوں نے وقت کھوٹا کیا
سفر بھی طے نہ ہوا دن بھی پانچ سات لگے
یہ بات چیت سے حل ہونے والا کام نہ تھا
حصول عشق میں کچھ سفلی عملیات لگے
تمہارے چھوڑ کے جانے کے حادثے کے بعد
جو سانحے ہوئے معمولی واقعات لگے
فقط نگاہ کا پڑ جانا ، التفات لگے
زیادہ پیاس میں تو دشت بھی فرات لگے