Dhoop Mein Jaise Phool Sitara Lagta Hai
Gusse mein tou aur bhi pyara lagta hai

Muft mein hum badnaam hain koocha janan mein
Koi bhi jaye naam hamara lagta hai

Is ke chehre par bhi dagh hai askhon ke
Chand bhi tere hijar ka mara lagta hai

Hijar ke hujray ke tameer nahi aasan
Is mein mein alag hi matti gaara lagta hai

Na mumkin hai bachna aik bhi dharkan ka
Ishq mein dil saray ka sara lagta hai

Wasal ki meethi lazzat chakh lenay ke baad
Hijar tera kuch aur karara lagta hai

Seena khol ke dekhon to kuch pata chalay
Dharkan se tu dil nakara lagta hai

Darwazay par dastak aur hawa shore
Mujhe tu yeh rukhsat ka ishara lagta hai

Aur koi din hai yeh mail milan ka khail
Dil ka mela kahan dobarah lagta hai

Laya hai teri khushbo teri yadeen
Mausam bhi tera harkara lagta hai

Pal pal rakhta hoon palkon ke pass isay
Aanson mujh ko aankh ka tara lagta hai

Dhoop mein jaise phool sitara lagta hai
Gusse mein tou aur bhi pyara lagta hai
غزل
دھوپ میں جیسے پھول ستارہ لگتا ہے
غصے میں تُو اور بھی پیارا لگتا ہے

مفت میں ہم بدنام ہیں کوچہ جاناں میں
کوئی بھی جائے نام ہمارا لگتا ہے

اِس کے چہرے پر بھی داغ ہیں اشکوں کے
چاند بھی تیرے ہجر کا مرا لگتا ہے

ہجر کے حجرے کی تعمیر نہیں آسان
اِس میں الگ ہی مٹی گارا لگتا ہے

ناممکن ہے بچنا ایک بھی دھڑکن کا
عشق میں دل سارے کا سارا لگتا ہے

وصل کی میٹھی لذت چکھ لینے کے بعد
ہجر ترا کچھ اور کرارا لگتا ہے

سینہ کھول کے دیکھوں تو کچھ پتہ چلے
دھڑکن سے تو دل ناکارہ لگتا ہے

دروازے پر دستک اور ہوا کا شور
مجھے تو یہ رخصت کا اشارہ لگتا ہے

اور کوئی دن ہے یہ میل ملن کا کھیل
دل کا میلہ کہاں دوبارہ لگتا ہے

لایا ہے تیری خوشبو تیری یادیں
موسم بھی تیرا ہرکارہ لگتا ہے

پل پل رکھتا ہوں پلکوں کے پاس اِسے
آنسو مجھ کو آنکھ کا تارا لگتا ہے

دھوپ میں جیسے پھول ستارہ لگتا ہے
غصے میں تُو اور بھی پیارا لگتا ہے