Iqbal Ashar Ghazal

Kitne Bhulay Howay Nagmat Sunane Aaye

Kitne Bhulay Howay Nagmat Sunane Aaye
Phir tere khawab mujhe mujh se churane aaye
Phir dhank rang tamanon ne ghaira mujh ko
Phir tere khat mujhe dewana banane aaye

Tum Meri Fikar Na Karna Hargiz

Tum Meri Fikar Na Karna Hargiz
Mein bahut khush hoon yahaan
Baat karne ke liye panchi hain
Dard kehne ke liye deewarain hain

Es Qayamat Ko Guzarne Nahi Detay Kuch Log

Es Qayamat Ko Guzarne Nahi Detay Kuch Log
Zakham e taqseem ko bharne nahi detay kuch log
Chahaty hain chal jaon bhanwar ki janib
Mujh ko sahil peh utrne nahi detay kuch log

Wo Bhi Kuch Bhula Howa Tha Mein Bhi Kuch

Wo Bhi Kuch Bhula Howa Tha Mein Bhi Kuch Bhatka Howa
Rakh mein chingariyan dhoondi gayen aisa howa
Dastanain hi sunani hain to phir itna to ho
Sunne wala shoq se yeh kehh uthaye phir kia howa

Mein Waqt Ki Dehleez Peh Thehra Howa Pal Hoon

Mein Waqt Ki Dehleez Peh Thehra Howa Pal Hoon
Qaim hai meri shan keh mein taajmehal hoon
Bhula hai na bhulay ga kabhi mujhko zamana
Zinda hai mere dam se mohabbat ka fasana

Us Ki Khushbu Meri Ghazalon Mein Seemat Aai Hai

Us Ki Khushbu Meri Ghazalon Mein Seemat Aai Hai
Naam ka naam hai ruswai ki ruswai hai
Dil hai ek aur do aalam ka tamanai hai
Dost ka dost hai, har jai ka har jai hai

Khuda Ne Laaj Rakhi Meri Benawai Ki

Khuda Ne Laaj Rakhi Meri Benawai Ki
Bujha chiragh to jungnu ne rehnomai ki
Tere khayal ne taskheer kar liya hai mujhe
Yeh qaid bhi hai basharat bhi hai rehai ki

Usi Bahane Mere Aas Paas Rehne Lagay

Usi Bahane Mere Aas Paas Rehne Lagay
Mein chahata hoon tou bhi udass rehne lagay
Kabhi kabhi ki udassi bhali lagi aisi
Keh hum deewane musalsal udass rehne lagay

Haan Abhi Pechle Bars Tak Ek Darya Tha Wahaan

Haan Abhi Pechle Bars Tak Ek Darya Tha Wahaan
Us taraf se aaj mein guzra to sehra tha wahaan
Ab sawa nizay peh sooraj hai jahaan thehra howa
Aik bargad tha wahaan kal aik saya tha wahaan

Thehri Thehri Si Tabiyat Mein Rawani Aai

Thehri Thehri Si Tabiyat Mein Rawani Aai
Aaj phir yaad mohabbat ki kahani aai
Aaj phir neend ko aankhon se bichrate dekha
Aaj phir yaad koi chot porani aai

Be Faiz Ek Chirag Bataya Gaya Mujhe

Be Faiz Ek Chirag Bataya Gaya Mujhe
Sooraj bujha to dhoond ke laya gaya mujhe
Obhra har aik bar naya phool ban ke mein
Mitti mein jitni bar milaya gaya mujhe

Wohi Khawab Phir Se Chamak Utha Koi Zakham

Koi Khawab Phir Se Chamak Utha
Koi Zakham Phir Se Hara Howa
Mein samjh raha tha wo be wafa
Mere hafzay se juda howa

Yeh Jugnu Ki Qayadat Mein Chalne Walay Log

Yeh Jugnu Ki Qayadat Mein Chalne Walay Log
Thay kal chiragh ki manid jalne walay log
Hamein bhi waqat ne patthar sifat ban dala
Hami thay moom ki soorat pighalne walay log

Hum Ko Hamare Sabr Ka Khoob Sila Diya Gaya

Hum Ko Hamare Sabr Ka Khoob Sila Diya Gaya
Yani dawa na di gai, dard barha diya gaya
In ki muraad hai yahi khatam na ho yeh teergi
Jis ne zara barhai lo, us ko bujha diya gaya