غزل
ڈوبتا صاف نظر آیا کنارہ کوئی دوست
پھر بھی کشتی سے نہیں ہم نے اتارا کوئی دوست
 
جب بھی نیکی کا کوئی کام کیا ہے ہم نے
دے دیا رب نے ہمیں آپ سے پیارا کوئی دوست
 
جیت پر خوش ہو تجھے اس سے غرض کیا مرے یار
تیری خوشیوں کے لئے جان سے ہارا کوئی دوست
 
کیسے جی پائیں گے اس شہر پریشاں میں جہاں
کوئی دشمن ہے ہمارا نہ ہمارا کوئی دوست
 
کچھ تو جینے کے لئے ہم کو بھی دے رب کریم
ساغر و مینا کسی غم کا سہارا کوئی دوست
 
روٹھ جائے مری آنکھوں سے بھلے بینائی
کاش روٹھے نہ وصیؔ آنکھ کا تارا کوئی دوست
 
Ghazal
Dubta Saf Nazar Aaya Kinara Koi Dost
Phir bhi kashti se nahin hum ne utara koi dost
 
Jab bhi neki ka koi kaam kiya hai hum ne
De diya rab ne hamein aap se pyara koi dost
 
Jit par khush ho tujhe is se gharaz kya mere yar
Teri khushiyon ke liye jaan se haara koi dost
 
Kaise ji paenge is shahr-e-pareshan mein jahan
Koi dushman hai hamara na hamara koi dost
 
Kuchh to jine ke liye hum ko bhi de rabb-e-karim
Saghar-o-mina kisi gham ka sahaara koi dost
 
Ruth jae meri aankhon se bhale binai
Kash ruthe na ‘wasi’ aankh ka tara koi dost
Share this with your friends